ಚಿತ್ತೂರು, ಆಗಸ್ಟ್ 29: ಆಂಧ್ರಪ್ರದೇಶದ ಚಿತ್ತೂರಿನ ಹೆದ್ದಾರಿಯಲ್ಲಿ ದರೋಡೆಕೋರರ ಗುಂಪು ಮೊಬೈಲನ್ನು ಸಾಗಿಸುತ್ತಿದ್ದ ಟ್ರಕ್ ಒಂದನ್ನು ಅಡ್ಡಗಟ್ಟಿ ಹೈಜಾಕ್ ಮಾಡಿ ಅದರಲ್ಲಿ ಸುಮಾರು 6 ಕೋಟಿ ಮೌಲ್ಯದ ಮೊಬೈಲ್ ಫೋನುಗಳನ್ನು ದೋಚಿ ಪರಾರಿಯಾಗಿರುವ ಘಟನೆಯೊಂದು ನಡೆದಿದೆ.
ಈ ಘಟನೆಯು ಮಂಗಳವಾರದಂದು ನಡೆದಿದ್ದು ಸುಮಾರು 15 ಸಾವಿರ ಮೊಬೈಲ್ಗಳನ್ನು ತುಂಬಿದ ಟ್ರಕ್ ಚೆನ್ನೈನ ಶ್ರಿಪೆರಂಬದೂರ್ನಿಂದ ಮಹಾರಾಷ್ಟ್ರಕ್ಕೆ ಪ್ರಯಾಣಿಸುತ್ತಿತ್ತು. ಶ್ರಿಪೆರಂಬದೂರ್ನಿಂದ ಟ್ರಕ್ ಅನ್ನು ಬೆನ್ನಟ್ಟಿದ್ದ ದರೋಡೆಕೋರರು ಟ್ರಕ್ ಇನ್ನೇನು ತಮಿಳುನಾಡಿನ ಗಡಿದಾಟಿ ಆಂಧ್ರಪ್ರದೇಶಕ್ಕೆ ಬರುತ್ತಿದ್ದಂತೆಯೇ ದರೋಡೆಕೋರರು ಟ್ರಕ್ಕನ್ನು ನಿಲ್ಲಿಸಿ ಚಾಲಕನಿಗೆ ಚೆನ್ನಾಗಿ ತಿಳಿಸಿ ಪೂರ್ತಿ ಟ್ರಕ್ಕನ್ನು ಹೈಜಾಕ್ ಮಾಡಿದ್ದಾರೆ ಎಂದು ಹೇಳಲಾಗಿದೆ.
